حصري قراءة رواية مغامرات ابناء العاصي الفصل الرابع عشر 14 بقلم كنزي حمزة

رواية مغامرات ابناء العاصي الفصل الرابع عشر 14 بقلم كنزي حمزة

رواية مغامرات ابناء العاصي البارت الرابع عشر

رواية مغامرات ابناء العاصي الجزء الرابع عشر

رواية مغامرات ابناء العاصي الحلقة الرابعة عشر

جلست الفتايات بجانب بعضهم وجلس عاصي وعدي ومازن بجانب بعضهم بينما راح بوده وطمطم يلفون حولهم في مرح
ليصيح عاصي فيهم: ماتقعد يلا انت وهي بقي، خيالتونا
ليا: الله ماتزعقش في العيال كده ما تسيبهم يلعبوا
عاصي: هو اللعب يعني ماينفعش غير كده، ما السطح واسع لازم يلفوا حوالينا
ليا: هو في ايه، انت بتزعقلي ليه دلوقتي، مالك قالب علي الكل ومش طايق نفسك من الصبح ليه
عاصي: انتي مالك بيا، خليكي في نفسك وفي الهزار اللي انتي مش بتطليه ده
ليا: اهزر براحتي عشان انا واحده دمي خفيف ومش معقده زيك
عاصي وقد وقف امامها: اتلمي يا ليا احسنلك
ليا وهي تقف بتحدي امامه: هاتعملي ايه يعني
وقف امامه عدي ليحول بينه وبينها ووقفت دانا بمقابلها تحسها علي الجلوس ومي تجذبها من الخلف
عدي: بسسسسسس يا جدعان صلوا علي النبي واقعدوا هديين شويه بقي
دانا: خلاص يا ليا اقعدي بقي ومش تردي عليه
وكأنه كان ينتظر ان تتحدث حتي ينفجر فيها
عدي: ليه ان شاء الله هو كان قالها ايه يعني عشان ماتردش عليه
دانا: مش هو اللي بدأ بالغلط وقعد يزعق من غير سبب
عدي: ليه اهبل ولا عبيط، هي اللي واحده هايفة وبتفكر بسطحيه
دانا: لوسمحت ماتغلطش وتطول لسانك هي ماغلطتش ولا شتمت حد
عدي: ولا تقدر، احنا عندنا هنا في الجماليه يا ماما البنت اللي بتطول لسانها علي شاب، بيطول هو ايده عليها
دانا: اه دي بقي بتسموها عندكم رجوله مش كده يا كابتن، كاد ان يقترب منها حتي يريها ما اجنته كلماتها
عدي: انا راجل غصب عنك
وقف الجميع مندهشون مما يحدث بينهم ليصرخ فيهم زين اخيرا: بس الله يحرقكم كلكم، في ايه انتوا اتجننتوا ولا ايه، احنا طالعين نقعد مع بعض شويه عشان نشوف هانعمل ايه في الفرح ولا طالعين عشان تتخانقوا
دانا وقد لمعت العبرات في عيناها: انا مش هقعد، انا هانزل عند مامي تحت عشان نمشي
جرت عليها تيا وامسكتها ليا وهتفت: لاء مش هتنزلي خليكي قاعده معانا عشان خاطري يا دانا
تيا: كده يا دانا مش انتي قولتي انك جايه عشاني انا وزين، اقعدي بقي
لتصيح مي: خلاص ياجماعه حصل خير صلوا علي النبي واقعدوا بقي
دانا بعدائيه غير مفهومه: وانتي مالك انتي اصلا
عدي وقد تجاوز الغضب حده: انتي بتزعقيلها ليه، هو انتي مش هتبطلي الغرور اللي فيكي ده
زين: الله خلاص بقي يا عدي هما بنات مع بعض بتتحشر بينهم ليهد ماتحترم نفسك وتراعي انها اختي حتي يا اخي
مي:انا اسفه اني اتدخلت بينكم، عن اذنكم يلا يا مازن
صاح عدي: لاء يا مي مش هاتمشي، اقعدي وانا هاجيبلك الكلب اللي انتي عايزاه، ليتركهم وينزل الي اسفل سريعا
تيا: يوه اقعدي بقي يا مي انتي كمان، انتوا ايه اللي جرالكم، والله هاتخلوني اعيط
ليصيح زين: عاجبكم كده، منكم لله كلكم بوظتوا الليله جاتكم القرف
جلس عاصي بجانب دانا وهتف: انا مكانش قصدي كل ده يحصل، حقك عليا انا يا دانا، ماتزعليش يا مي
ليتكلم مازن بمزاح: وبالنسبه ل ليا ايه هوا كده مش باينه
عاصي: بس ياض انت
مازن: علي فكره بقي المفروض تعتذرلها هي عشان انت زعقتلها هي
عاصي: اقعد يا مازن ياحبيبي ولا اقولك روح العب مع بوده وطمطم
مازن: احسن بردو انتوا قعدتكم رخمه بصراحه
زين: ههههههه طب وربنا عنده حق
جلست ليا بجانب مي التي كانت الاخري تنظر لها بعينان مشتعلتان مثل الجمر وهمست
ليا: اقعدي بقي ماتزعليش حقك عليا انا ياستي
مي: انا مش عارفه البت دي مش بانزلها من زور ليه، هو انا عملتله حاجه، دي مغروره اوي
ليا: مين، دي دانا والله طيبه خالص بس انتوا عشان مش صحاب، ماتعرفوش بعض كويس
مي بمرح: ولا عايزه اعرفها بصراحه، اذا كان من غير ماعرفها بتكلمني كده اومال لو اتصحابنا بقي هتجيبني من شعري ههههههههه
صعد اليهم عدي وهو يحمل بين يديه جرو صغير من فصيلة الجولدن والقاه علي قدم مي وهو مزال وجهه عابث وينظر الي دانا بغضب
مي: الله يا عدي ده حلو خالص وصغنن خالص
عدي: ده لسه مولود من اسبوع بس
زين: ايه ده هي الكلبه ولدت يا عدي
عدي: اه وجابت سبعه، يلا شوفي بقي هاتسميه ايه يا مي
مي بخوف: بس يا عدي، بس مش هاينفع
عدي: ههههههههه مش قولتلك هاتخافي، علي العموم يا ستي أستني مازن، يا مازن
مازن: نعم يا عدي
عدي: ايه رأيك في الكلب الصغير ده
مازن: الله ده حلو اوي، ممكن العب معاه شويه، هاتيه يامي اشيله
عدي وقد اخذه من بين يديها واعطاه له: امسك يا عم بس بقولك ايه من النهارده الكلب ده بتاعك انت ومي تخلي بالك منه وعالله تنزل بيه الشارع
مازن: الله، بجد متشكر جدا ياعدي، هاخلي بالي منه طبعا وجري به نحو الاطفال
عدي: خلاص ياستي، المشكله اتحلت ثم همس لها: بس ايه ده الواد شهاب مسيطر جامد بردو وبنترعب منه اهو، لكزته في كتفه
وبدأ يضحك هو بصوت مرتفع امام اعين دانا التي ابتعدت عنهم ووقفت امام الجدار المطل علي الشارع معطيه لهم ظهرها، تنظر اليه غير مهتمه بهم ولكنها في الحقيقه كانت تداري عبراتها التي استسلمت للنزول علي وجنتيها
لتذهب لها تيا وتقف بجانبها: ايه يا دانا سيبتينا وقومتي ليه بس، ايه ده انتي بتعيطي
دانا: لاء مش بعيط ولا حاجه، بس تقريبا عيني دخل فيها حاجه
تيا: طب معلش تعالي اقعدي معانا بقي عشان نشوف هانعمل ايه
دانا: انا عايزه امشي يا تيا، عشان خاطري سيبيني انزل
تيا: لاء مش هاسيبك تعالي بقي عشان نشوف هننزل امتي نشتري الفساتين وجذبتها من يدها وجلسوا بجانب زين
زين: خلينا في المهم بقي، احنا دلوقتي مفيش قدمنا غير ٣ ايام وورانا حاجات كتير اوي لسه هانعملها من بكره الصبح
عاصي: حاجات ايه دي
ليا: اولا كده القاعه، لازم نحجز قاعة افراح في اي فندق بأسرع وقت
تيا: يعني ايه اي قاعه ديد لاء طبعا لازم تكون شيك كده وتعجبني
زين: اه جينا بقي لكلام البنات الهايف اللي مالوش لازمه، يا حبيبتي الكلام ده لو في وقت، انما احنا مفيش قدمنا غير ٣ ايام بس، يا رب نلاقي اي فندق فاضي
تيا: الله مش انت اللي مستعجل، ماليش دعوه يا تحجز القاعه اللي تعجبني يا تأجل الفرح
زين بغضب: اأجل ايه يا جزمه انتي، مفيش افراح هتتأجل، الفرح يوم الخميس حتي لو هانكتب الكتاب هنا
دانا: ابوس اديكم كفاية خناق لحد كده، بصوا انا عندي اقتراح اسمعوه ولو عجبكم ننفذه، ايه رأيكم لو نعمل كتب الكتاب في الڤيلا عندنا او حتي في الڤيلا بتاعت انكل عاصي
ليا: والله فكره حلوه واهو في افراح دلوقتي بتتعمل في ڤلل كتير
دانا: احنا كمان ممكن نعمله Rejoice daylight.
تيا: الله بالنهار دي فكره حلوه اوي، خلاص انا موافقه ونعمله عندنا في الڤيلا عشان لسه جديده والجنينه بتاعتها كبيره وحلوه
زين وهو يلف ذراعه حول عنق اخته: جدعه يا بت يا دانا، حليتي اصعب حاجه في الموضوع
تيا: بس بردو كده في مشكله
عاصي: خير يا جلابة المشاكل في ايه
تيا: احنا كده هنعوز حد Wedding Designer
عدي: لاء سيبوا الحكايه دي عليا انا، انا هاسهر النهارده علي النت واشوف احسن مصممين حفلات وابعت لك صور شغلهم يازين ونتفق معاهم
زين: كده تمام يبقي فاضل ايه
ليا: الفساتين والبدل طبعا
زين: اه بكره ننزل نشتريهم من اي مول وقبل ماتنفعلي يا تيا اتفرجي براحتك خالص واللي هاتختريه هاجيبه بس من الاول كده لا يكون عريان ولا قصير
تيا: هههههههه ما تخافش، ماهو اكيد مش هاجيبه كده عشان بابي يعني
زين: اممممم يعني كل الخوف من بابي، بصي كلها ٣ ايام يا تيا وهاتشوفي
دانا: كده بقي يبقي مش فاضل غير الميك اب ارتست
مي: تمام ايه رأيكم يابنات انااعرف كذا واحده، تعالوا ننزل وافرجكم علي شغلهم علي النت
دانا: كذا واحده ايه يا حبيبتي لالاء سيبك ياتيا من الكلام ده الmakeup artist دي، خليها عليا اكيد مش هاجبلك اي حد يعني
استشعرت مي بالحرج من معاملتها وجلست صامته بجانب ليا بينما انشغلوا هم بأدق التفاصيل حتي امسكت هاتفها وصاحت
مي: طب ياجماعه ربنا معاكم بقي في الباقي، انا هنزل عشان مامي بترن عليا، يلا سلام والف مبروك يا تيا انتي وزين
تيا: لاء خليكي معانا يامي وهما يروحوا، احنا لسه هنسهر ويبقي عدي يوصلك انتي ومازن
عدي وعاصي مع بعض: اقعدي يا مي واحنا هنوصلك
مي: لاء والنبي يا خويا انت وهو، انتوا ناوين علي موتي النهارده مش كده هههههههه
ليا بهمس: يا بنتي ماتبقيش جبانه كده، طب اقعدي وعدي هيكلم شهاب ويخليه يجي
مي: لاء والنبي يا ليا بلاش عشان بابي كمان مايزعلش
دانا: خلاص بقي يا جماعه ماتسيبوها براحتها، خلينا نخلص بقي
نظر لها الجميع بعدائيه بينما صاحت مي علي اخيها وامسكته من يده وهتفت: يلا يامازن، سلام يا شباب اشوفكم في الفرح بقي، وسريعا ما ترجلت علي الدرج ليصيح فيها اخيها
زين: ايه الاسلوب الزباله اللي بتكلمي البنت بيه ده، هي عملتلك ايه عشان تعامليها كده
عدي: عادي يعني ماهي دي طريقة اختك في الكلام مع الناس، مش جديده عليها
عاصي: انا هانزل وراها احسن تكون زعلت ولا حاجه
عدي: استني ياعاصي خد اديها الكلب بتاعها عشان نسيته وانتي يا ليا انزلي معاه شوفيها انتي كمان
دانا: يا عدي ماكنتش اعرف انها تهمك اوي sorry
عدي: نعم، انتي قصدك ايه بالظبط
دانا: مش قصدي حاجه، انا شيافاك زعلان اوي عشانها
عدي بغيظ: طبعا زعلان عشانها لانها بنت محترمه، صاحبتنا وزي اختنا ومتربيه معانا، انتي بقي ايه ظروفك، مش طيقاها ليه
زين: خلاص بقي انت وهي، انا بجد زهقت من كتر الخناق
تيا: انتي ليه يا دانا بتعمليها كده، دي مي بجد بنت مؤدبه ولطيفه
دانا: والله مش قصدي حاجه انتوا عارفين دي طريقتي في الكلام، انا مش قصدي ازعل حد
////////////////
نزلت الي والدتها وقفت امامها وهتفت بمرح
مي: يلا بينا بقي يا مامي، هو بابي لسه هنا ولا ايه
غمزه: لاء ياحبيبتي دول نزلوا كلهم تحت، لسه بدري انتي ليه عايزه تمشي يا مي
اسراء: مالك يا مي انتي في حد زعلك
مازن: ايوه يا ماما في
مي: اسكت يا مازن عيب كده، مفيش حاجه يا ماما بس الوقت اتأخر وانا عايزه ارتاح بصراحه
ليدلف عاصي اللذي سبق ليا في النزول حتي لا يحتك بها مره اخري: يعني امك مش عايزه تمشي وانتي اللي بتقولي كده
اسراء: امك يا حيوان، انتي سكتاله ازاي يا غمزه
غمزه: هو تقريبا كل اللي اسمهم عاصي برمجتهم واحده ههههههه
مي: معلش والنبي يا عاصي، انا حاسه اني تعابنه وعايزه اروح
ليا: كده يا مي طب خلاص بس اعملي حسابك بكره هاتنزلي معانا واحنا بنشتري الفساتين
مي: لاء معلش عشان ابقي انزل مع مامي، اشوفكم يوم الفرح احسن
عاصي: طب خدي الكلب اللي عدي جابهولك انتي ومازن، نستيه ونزلتي
مي بهمس: بلاش يا عاصي
روقيه: لاء بقي كمان هترفضي هدية عدي، كده انا اللي هزعل منك
مي: وانا مقدرش علي زعلك يانانا يا حبيبتي انتي
غزل: خلاص يبقي تاخديه بقي عشان ماتزعليهاش
نظرت الي والدتها التي بدورها أومئت لها برأسها فأخذته منه وترجلوا جميعا خارج البيت بعد السلام
صعد عاصي وليا اليهم مره ثانيه واثناء الصعود دار الحديث بينهم
ليا: والله صعبانه عليا، مش عارفه ليه دانا مش بتحبها
عاصي: انتي السبب لو ماكنتيش عليتي صوتك عليا وقليتي ادبك مكانش حصل حاجه من دي
وقفت مندهشه مما قاله ونظرت له بغضب
ليا: انا مش قليلة ادب وماسمحلكش انك تقول عليا كده، انا متربيه ومؤدبه احسن منك، انت اللي عيل وكل تصرفاتك تصرفات عيال
عاصي وقد امسكها من كتفيها وضغط عليهم بقسوه: لو سمعتك بتقولي الكلمه دي تاني هاكسرلك دماغك، انتي فاهمه ولا لاء؟؟

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)