حصري قراءة رواية مغامرات ابناء العاصي الفصل الثامن والعشرون 28 بقلم كنزي حمزة

رواية مغامرات ابناء العاصي الفصل الثامن والعشرون 28 بقلم كنزي حمزة

رواية مغامرات ابناء العاصي البارت الثامن والعشرون

رواية مغامرات ابناء العاصي الجزء الثامن والعشرون

رواية مغامرات ابناء العاصي الحلقة الثامنة والعشرون

انها الحادية عشر صباحا، كان يقف امام تلك الرخامه السوداء ويمسك بيده مج كبير وضع به بعض السكر عليهم بعض حبوب القهوه الامريكيه وينتظر تلك الغلايه حتي تعلن عن غليان الماء وهو يدندن
حنين حنين حنين
انا دايبه فيك حنين
انا دايبه فيك حنين
والغربه توهتني
لكن ما غربتني عنك طول السنين
عنك طول السنين
شيالك في نين عيني
واللي بينك وبيني
احلام كل الاحبه
وحنين المغرومين اه ياعيني
احتضنته هي من الخلف وغمرت وجهها في ظهره وهي تهمس له: اه يانا مالحنين
التفت اليها وبدورها وضعت وجنتها علي صدره ليغلق عليها وهو يبتسم
عاصي: يا صباح الفل ياقلبي، ايه اللي صاحكي كنتي خليكي مستريحه في السرير
غمزه: جسمي كله بيوجعني
عاصي: هههههه معلش ياروحي اصلك كنتي وحشاني اوي، طب اشيلك اطلعك تاني فوق
غمزه: لاءه انا هبقي كويسه، انت بقي عمال تخبط وبتعمل ايه كده
عاصي: بحاول اعمل نسكافيه زي اللي بتعمليهولي بس بردو مش عارف اظبطه
غمزه: طب وسعلي كده يا فاشل انت
عاصي وهو يغمز لها بعينه: مش مهم فاشل في ده بس شاطر في حاجات تانيه هههههههه
همست له بإندهاش وهي تتلفت حولها خوفا من ان يسمعهم احد: قليل الادب
عاصي وهو يجذبها اليه: طب بزمتك ده مكان اعاقبك فيه، تعالي نطلع فوق واعاقبك بقي براحتي
الله الله يعني امبارح بوده والنهارده مامي يا سي بابي واحنا ايه ولا علي بالك خالص كده :صاحت بها تيا الواقفه بجانب الباب ومن خلفها يقف زين وهو يضع يده علي كتفها
غمزه:استلم بقي، علي فكره راكبها العصبي من ساعة ما خرجت انت وبوده امبارح وما سلمتش حتي عليهم
عاصي بصوت خفيض وهو يتصنع الخوف: هي مالها بتبصلي كده ليه وكأني جوز امها مش ابوها
ضحكت ضحكه رنانه وابتسم زين له واذا بها تزجه اليها
عاصي: تيا حبيبة بابي وحشتيني ياقلب ابوكي
تيا بغضب: بس بقي يا بابي ماتحاولش انا اصلا زعلانه منك ومخاصماك كمان
عاصي وهو يتصنع الحزن: يالهوي ويهون عليكي تخاصمي عاصي يا توتو، دانا حبيبك بردو
توسطهم زين والتفت برأسه له: لاموأخذه يا حج بس توضيح، انا اللي حبيبها مش انت، انت حبيبتك هناك اهيه
عاصي وهو يمسك ياقة قميصه من الخلف: غور ياض من هنا ال حبيبته ال، بت يا تيا الواد ده عبيط ولا ايه
غمزه: لوسمحت ماسمحلكش، ده زين الشباب كلهم
تيا: بس بردو انا زعلانه منك، انت حتي ماحولتش تبصلي انا وليا
عاصي: يا عبيطه كان لازم اخرج عشان انا محضر ليكي انتي وهي حتة مفاجأه، هي فين صحيح
انتبهوا جميعا لسؤاله عنها ولم تقوي بالرد عليه
لصيح زين: دي لسه نايمه هي ودانا، دلوقتي يصحوا ويجوا
عاصي: طب تمام اوي كده، بقولك ايه يا حبيبتي انتي تروحي تصحيهم وتخليهم يجوا عشان ورانا حاجات كتير اوي النهارده
تيابعدم فهم: حاجات ايه دي يا بابي
عاصي: لا مش هاقول حاجه احسن شكلي كده انا بس اللي فاكر والتفت الي زين الذي ابتسم له
زين: مش لوحدك علي فكره
تيا: ولو اني مش فاهمه حاجه بس ماشى انا هاروح اصحيهم واجبهم واجي، وتركتهم وذهبت
غمزه وهي تعطي له النسكافيه: انا قولت انت اكيد نسيت
عاصي: وانا من امتي نسيت عيد ميلاد حد فيكم يا حبيبتي، اومال انا جايب التورته اللي في التلاجه دي ليه
زين بمكر: ههههههه وكمان جبت التورته، دانت ماسيبتش لينا حاجه نعملها بقي
عاصي بمرح: هههههه لا يا حبيبي ماتقلقش اطلع انت بس صحيلي الاتنين اللي فوق دول وانزلوا عشان تلحقوا تعلقوا الزينه
زين: اوك يابوب يابو المفاجأت انت هههههههههه
اتجه الي الدرج ليقابل حمزه ومن خلفه غزل
حمزه: صباح الخير عليكم ايه بدأت بدري ولا ايه ياعاصي
الجميع: صباح الخير
عاصي: لاء لسه بلم العيال عشان نبدأ
زين: انا هاطلع اصحيهم
غزل: تصحي مين عاصي وعدي في البحر من بدري
زين: ولاد اللذينا كده من غيري، طب والله لروح انكد عليهم واجبهم من افاهم، وذهب اليهم.
غزل: هو في ايه مالكم بتخططوا لايه كده
غمزه: النهارده عيد ميلاد ليا وتيا يا غزل وعاصي عاملهم حفله
غزل: عقبال ١٠٠ سنه يا حبيبتي، ربنا يخليك ليهم يا عاصي
عاصي: ربنا يخليكي يا غزل يا رب، يلا ياحمزه نبدأ تعليق الزينه
حمزه: لاء بقولك ايه انا جعان، نفطر الاول وبعد كده نعمل اللي انت عايزه
//////////////////////////////ا
ذهب اليهم ووقف علي الشاطيء يشير لهم بيده يخرجوا من الماء واذا بهم يروه ويخرجوا اليه وبعد ان خرجوا
زين بغضب: بقي حضراتكم هنا وانا عمال الف عليكم من الصبح
عدي: في ايه بس يا زين مالك انت كمان
زين: مالي يعني ايه، اطلع عشان اصحيكم ونقعد سوي تفاجئني غزل وتقولي دول نزلوا البحر
عدي: والله انا صحيت بدري وقولت اصحي الاستاذ ده وننزل المايه شويه، يمكن يفوق بقي ويخرج من المود اللي هو فيه ده
كان قد جلس علي المقعد ينشف جسده بالمنشفه
زين وهو يجلس امامه: وهو ده منظر واحد بقي فايق وكويس، ماتتعدل ياض بقي الله يخرب بيتك هتكشفنا، عمك لو شافك هيتأكد ان فيه حاجه
عاصي: لاء اطمن شافني امبارح وعارف اني متضايق بس معرفش من ايه وابويا كمان شافني بس عملت نفسي نايم، فياريت بقي تسيبوني ارجع عشان انا مش هاقدر ارفع عيني فيهم
زين: علي فكره مش هينفع اللي بتقوله ده يحصل يا عاصي والنهارده بالذات، انت كده هاتخليهم يشكوا اكتر
عدي: ليه مش هينفع النهارده بالذات يا زين
عاصي: عشان النهارده عيد ميلاد تيا وليا بس حتي ده مش هقدر احضره
زين: معلش يا عاصي حاول تسيطر علي مشاعرك دي شويه، ده هو اللي باعتني ليكم عشان نعلق الزينه يلا بقي بينا نروحلهم
//////////////////////////////////ا
دلفوا مره اخري ليجدوا الجميع مجتمعين و يجلسون علي طاولة الافطار، عاصي يمسك هاتفه ويتحدث بصوت مرتفع وهو يسب ويلعن بأفزع الالفاظ وحمزه ايضا يتحدث بهاتفه
توجه زين الي جده بالحديث: هو في ايه يا جدي، انا كنت سايبهم كويسين من شويه
الجد: في شيك ب٢ مليون جنيه كان المفروض هايتسلم للبنك النهارده وسكرتيرة عاصي بتقوله انه ماسلمهوش ليها وحمزه كمان نفس الحكايه
ليصيح عاصي بصوت جهور: بقولك ايه، حوارت كتير مش عايز، اقلبي ام مكتبك لحد ماتلاقي الشيك والا ورحمة امي لتكونوا بايتين كلكم في الحبس النهارده، واغلق الهاتف في وجهها
حمزه: ايوه انا بنفسي اخدت الشيك منك في الحاسابات ووقعت عليه وبعد كده انت اخدته مني وديته فين بقي، ايه بتقول ايه، طيب طيب اقفل وانا هاشوف الموضوع، ده اغلق الهاتف
وتوجه بالحديث الي اخيه اللذي جلس ينظر اليه
حمزه: اهدي كده ركز معايا، انا الشيك جالي ومضيت علي الورق اللي معاه ونزلته في الحاسابات عندي وبعدين الملف كله دخل السكرتاريه عندك والموظف متأكد ان البنت دخلتلك الملف لأنها اخدته من ايده ودخلت في ساعتها لانك كنت عمال تزعق وتسأل عليه وهي بتقول انك بعد ربع ساعه اتصلت واديتها الملف من غير الشيك.
انتبه لكل كلمه كان اخيه يلقيها علي مسامعه في صمت تام وبعد دقائق معدوده قفز من علي مقعده وهتف
عاصي: يا نهار اسود انا شيلت الشيك من الملف بعد ما مضيت عليه و بدل ما ارجعه فيه تاني شيلته وحطيته في الخزنه وقفلت عليه
حمزه: يعني هو دلوقتي في خزنتك، طب هنعمل ايه دلوقتي، الشيك ده لو ماراحش البنك بكره بالكتير مع الورق هيفرضوا علينا غرامه كبيره
عاصي: لاء ماتقلقش انا هانزل مصر حالا دلوقتي وارجع كل حاجه زي ما كانت، واتجه ليصعد الدرج
ليهتف عاصي الصغير: خليك انت يا عمي واروح انا بدالك
وقفوا جميعا ينظرون اليه بدهشه، اهذا هو الذي يتهرب دائما من عمل ابسط الاشياء، هل يتحمل عبئ هذا المبلغ الضخم
حمزه: لاء يا عاصي دي مسؤليه كبيره عليك، المبلغ مش قليل ولو الشيك ضاع هيبقي كمان في غرامه كبيره
ليصيح عاصي الكبير: اسكت يا حمزه، سيبه هو هيبقي اد ثقتنا فيه ويقدر يتحمل المسؤليه
واتجه الي سلسلة مفاتيحه اخرج منها مفتاحين واتجه اليه
عاصي: المفتاحين دول واحد منهم بتاع مكتبي والتاني بتاع الخزنه ورقمها تاريخ ميلاد بوده عارفه ولا اكتبه لك في ورقه
ابتسم له عاصي الصغير وهتف: لاء عارفه كويس وماتخافش هاعمل كل اللي تقولي عليه
ربط علي كتفه وابتسم لأخيه واتجه به الي الطاوله الصغيره وجلسوا هما الثلاثه
عاصي: تمام يا معلم، بص انت هتفتح الخزنه هتلاقي الشيك ادامك هاتخده منها وتقفلها تاني بالمفتاح وتاخد الملف من السكرتارية تحط فيه الشيك وتحطه في ظرف ابيض من الاظرف اللي في درج المكتب عندي وتقفله وتسلمه لها تاني عشان بكره تاخده هي توديه البنك
عاصي الصغير: وليه هي توديه، انا هوديه بنفسي بكره
حمزه: ليه يا حبيبي انت مش هترجع لنا تاني النهارده
عاصي الصغير: يعني انتوا بتقولوا شيك بالمبلغ ده وعايزيني اسيبه لحتة سكرتيره وبعدين انتوا كلها يومين وترجعوا، مش طالبه بقي سواقه اربع ساعات رايح جاي
عاصي وهو مبتسم له: تمام اوي يا حبيبي، انت عليك في اليومين دول بقي تبقي بدالنا احنا الاثنين في الشركه تقعد في مكتبي وكأن انا الموجود بالظبط وانا هبقي معاك دقيقه بدقيقه علي التليفون
عاصي الصغير: حاضر ياعمي، عن اذنكم بقي هاطلع اجهز واجهز حاجاتي وانزل
كل هذا كان يحدث امام مرأها وهي تقف بين اختها وصديقتها، كانت تعلم انه يفعل هذا فقط ليهرب من عيناها التي تلومه في كل لحظه تقع عينه اسيره لها ولكنها افاقت علي صوت والدها وهو يجذبها اليه
عاصي: الجميل سرحان في ايه ومش معبر بابي اللي عمال يقوله وحشتيني
ليا بهدوء: حبيبي يا بابي وانت كمان وحشتني اوي
عاصي وهو ضامم حاجبيه: اومال مالك انتي وشك دبلان كده ليه
ليا: هاه مفيش حاجه، انا بس لسه صاحيه من النوم واتخضيت لما لقيتكم بتزعقوا
اخرجتها صديقتها من هذا الموقف وصاحت: كده بردو يا انكل حضرتك مأخدتش بالك مني، هو انا مش زي ليا وتيا ولا ايه
عاصي: هههههه لاء ازاي يا حبيبة انكل، دانتي زيهم واكتر بس
الهوانم بصراحه النهارده واخدين كل تفكيري و القلق اللي حصل ده نكد عليا
حمزه: يلا الحمد لله انها جات علي قد كده على الله عاصي بس يعرف يعمل اللي قولتله عليه ومايخذلناش
عاصي الكبير وهو يحتضن ابنته وينظر لها ويبتسم: انا متأكد انه مش هيخذلني
////////////////////////////////ا
صعدوا خلفه هم الاثنان ودلف عليه غرفته
زين: فكره ب٢مليون جنيه جاتلك علي صينيه من ذهب
عاصي: اه يا اخي الحمد لله، انا اصلا مش عارف ارفع راسي في وش حد فيهم
عدي: بس لو ماعملتش اللي عمك قالك عليه ولا الشيك ضاع يا حلو، ده هينفخك بجد
عاصي: لاء ان شاء الله هاعمل كل اللي قالي عليه
عدي: طب ايه رأيك اجي معاك
عاصي: لاء ليه، خليك معاهم مش هخاف يعني وانا لوحدي
زين: عاصي انت حطيت نفسك في امتحان كبير اوي ولازم تبقي قده، ده اللي هيرجع ثقة الكل فيك تاني
عاصي: ان شاء الله يا زين هبقي اده، بقولك ايه يا عدي خد علبتين الهدايا دول بتوع البنات انا كنت جايبهم معايا عشان يعني عيد ميلادهم وكده وركز، الحمره بتاعت تيا والزرقا اديها ليا يا عدي ها، ابوس ايدك ركز
عدي: حاضر يا عاصي بس خلي بالك انت من نفسك
زين وهو يحتضنه: احنا هانتابعك بالتليفون ومش هانسيبك وهنبعتلك كمان صور الحفله
عاصي: ربنا يخليكم ليا ياأجدع اخوات في الدنيا
//////////////////////////ا
ترجلوا علي الدرج هم الثلاثه وعدي يجر من خلفه حقيبته ووقف هو امامهم حتي يلقي السلام عليهم
عاصي الصغير: اشوف وشكم علي خير انا بقي
الجد: توصل بالسلامه يا حبيبي، خلي بالك من نفسك يا عاصي
عاصي وهو يقبل يده: حاضر يا جدي ماتقلقش
روقيه بعد ان رق قلبها اليه: تعالي يا حبيبي في حضني، سوق علي مهلك، ربنا يسلمك من كل شر وتوصل بالسلامه
عاصي: خلاص بقي يا تيتا ماتعيطيش، ربنا مايحرمني من دعواتك، وقبلها في وجنتها
وقف امامها وهي تنظر له بغضب: ماما مش هتسلمي عليا ولا ايه
غزل بكلمه واحده: مع السلامه
تنهد بفارغ صبر واحني رأسه وهمس: الله يسلمك يا ماما.
كاد ان يرحل من امامها الا انها جذبته من يده وتعلقت في عنقه وهتفت والدموع تغرق وجهها: خلي بالك من نفسك وكل كويس وماتشيلش الغطا من عليك بالليل وانت نايم
عاصي براحه: حاضر يا حبيبتي، ربنا يخليكي ليا، وتركته اخيرا
التفت ليبحث عنها ولكنه لم يجدها فعلم انها مازلت لم تصفح عنه، فاتجه الي معذبته وهي تقف وسط الفتايات وتشبثت بهم جيدا عندما رأته يتجه لها
عاصي بصوت خفيض: سلام يا بنات، وهمس لها: ليا انا اسف حقك عليا
ثم تركهم وخرج من امامهم واتجهه الي سيارته ليهتف
والده: خلي بالك من نفسك يا عاصي وماتشيلش السماعة من ودنك، احنا هنفضل معاك طول الطريق علي التليفون
عاصي: حاضر يا بابا
عاصي الكبير: اول ماتوصل القاهره تروح علي الشركه، هما مش بيمشوا قبل الساعه ٥، تخلص اللي قولتلك عليه وبعدين ترجع علي البيت تاني
عاصي: حاضر اصلا انا هاعمل كده
عاصي الكبير: اوعي تنسي تقفل الخزنه اوالمكتب لما تخرج منه، ولو عوزت فلوس ابقي خد من الخزنه اللي يكفيك
عاصي الصغير: ماشي يا حبيبي، ربنا يخليك ليا بس انا معايا الڤيزا ومش هاحتاج حاجه
عاصي: ماشي، يلا بطل توصل بالسلامه
حمزه: مع السلامه يا حبيبي
عاصي الصغير وهو يتحرك بالسياره: سلام عليكم
//////////////////////////////
دلفوا اليهم بعد ان ذهب بسيارته من امامهم ليجدها قد ظهرت امامه مره ثانيه وهي تجلس بين غزل وروقيه وزوجة صديقه
عاصي: الله انتي كنتي فين، ده عاصي سافر من غير ماتسلمي عليه
غمزه ببرود: اه يوصل بالسلامه انا كنت بنده لدارين عشان تيجي تفطر معانا
ارتاب في امرها، لابد انه يوجد شيء يخفوه عنه، هي لو كانت في وقت اخر لمنعت ذهابه واحيدا بل كان من الممكن ان تتشاجر معه من اجله اوحتي تخبره بأن يذهب هو ولكنه فضل الصمت حتي لا يفسد ما يريد ان يفعله اليوم
عاصي: طب اوك يلا شباب عشان نبدا العمل

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)